Project Description

LANDLOOP

Welkom by Affies-landloop

By Afrikaanse Hoër Meisieskool is landloop ‘n sportsoort waar elke dogter welkom is! Hier is harde werk en ontwikkeling van elke atleet die boustene van ons sukses.

Affie-landloop neem aan beide die Johannesburg- en Pretoria-ligas deel. Die Johannesburg-liga wat reeds in die tweede kwartaal begin, dien ook as goeie voorbereiding vir die Pretoria-liga in die derde kwartaal.

Uitslae 2017

Johannesburg-liga

Baie geluk aan al die landlopers wat die afgelope paar weke deelgeneem het aan die Johannesburg-liga. Die juniors en seniors wen onderskeideklik die liga (no 1 by elke wedloop). Drie skole in elke streek het deurgedring na die spanfinale wat plaasgevind het te Delta Park. Affie-landloop se juniors en seniors wen hulle onderskeie afdelings! Baie geluk dogters!

Ons sien uit na ‘n sterk Pretoria-liga volgende kwartaal.

SA landloop kampioenskappe in September:

Megan Redmond eindig 22ste, Mianco Kotze eindig 30ste, Stephanie Rooy (14) eindig 45ste in die 0/19 afdeling, Jeannè de Beer eindig 6de en wen die goue span medalje. Janie Janse van Rensburg eindig 5de en wen die silwer span medalje.

Tydens die Gauteng Noord Landloopliga se prysuitdeling wen 4 van ons atlete individuele toekennings, hulle is:

Jeannè de Beer, Janie Janse van Rensburg, Maritha van Wyk en Christine Pronk

Oefenkampe

Affie-landloop bied jaarliks oefenkampe aan. In 2014 was die hoogte bo seevlak in die Drakensberge vir vyf dae ons tuiste. Die kamp is meegemaak deur die atlete van Hoërskool Centurion.

In 2015 reis Affie-landloop na die Oos-Vrystaat om die koue van die Korannaberge te gaan trotseer.

Ons 2016-kamp vind in Parys op die avontuurplaas, Hakuna Matata plaas.

Dion Saayman, bekende afrigter en ook die afrigter van Afrikaanse Hoër Meisieskool se middelafstande en landloop, bied ons jaarlikse kampe aan. Onder sy leiding het 12 atlete Springbokkleure verwerf, waarvan 11 vroue was. Onder andere was hy ook die afrigter van beide ons oud-Affie-Springbokke, Aynslee en Kyla van Graan. Die twee sussies studeer tans met ‘n sportbeurs in Amerika waar hulle op akademiese, atletiek- en landloopgebied uitstekend presteer.

Ons is ook bevoorreg dat hul albei saam met ons gaan kamp en hul wyshede ook met ons huidige atlete kan deel. Hulle word tans in Amerika deur die oud-Springbok, Zola Budd, afgerig.

Oefentye

Oefensessies vind vanaf Maandag – Vrydag vanaf 14:30 tot 15:45 plaas. Alle atlete kom op AHS se velde bymekaar.

Ons maak ook van  PBHS se terrein vir van ons oefensessies gebruik.