Project Description

SKRYFKOMPETISIES en OLIMPIADES

By Afrikaanse Hoër Meisieskool doop ons graag ons penne in Blou-Affie-ink!

Die eerste faset van ons blou-kultuurdiamant op ons KULTUURKALENDER is die LANDWYE AFRIKAANS-OLIMPIADE, die FAK: AFRIKAANS NASIONALE SKOLE-EKSPO,  die POORT- en ander SKRYFKOMPETISIES.  Groot getalle leerders van die Afrikaanse Hoër Meisieskool neem aan dié kompetisies deel en is gereeld jaarliks onder die landwye toppresteerders!

  • AFRIKAANS-OLIMPIADE:

Die Afrikaanse Hoër Meisieskool skryf jaarliks ongeveer 300 deelnemers (± 200 seniors en ± 100 juniors) in vir die Afrikaanse-olimpiade. Dié olimpiade skerp leerders se begrips- en leesvermoë op. Die Afrikaanse-olimpiade is gebaseer op die Departement van Basiese Onderwys se NKABV. Om dié rede vorm die Afrikaans-olimpiade ‘n bydraende leer-geleentheid tot die Afrikaans-kurrikulum!

PRESTASIES: Die Afrikaanse Hoër Meisieskool het die afgelope 10 jaar drie nasionale wenners en veel meer toppresteerdes opgelewer en persentasiegewys verskyn die meeste Affie-leerders se name op die jaarlikse NASIONALE TOPPRESTEER-lys!

CJ Langenhoven het nie verniet

die gedagte nagelaat nie dat

“AFRIKAANS ONS PÊREL VAN GROOT WAARDE IS!”

  • FAK: AFRIKAANS NASIONALE SKOLE-EKSPO:

Met die FAK se AFRIKAANS NASIONALE SKOLE-EKSPO word die leerders van hierdie Blou-hartland, die Afrikaanse Hoër Meisieskool, se kreatiwiteit gekielie:

  • ons SKRYF Kortverhale, Gedigte, Dagboeke en Historiese Opstelle – in Afrikaans;
  • ons SKILDER en SKRYF Resensies oor die Afrikaanse Filmwêreld en Ontwerp Advertensies oor enige Afrikaanse Film – in Afrikaans, en
  • ons SKRYF selfs ‘n Fiktiewe Geïllustreerde Kinderstorie wat uit die Anglo-Boereoorlog, die Groot Trek of die VOC-tydperk dateer – alles in Afrikaans!

                        Al skrywende word Afrikaans ons leeftaal!

Afrikaans is vir ons, soos vir Breyten  Breytenbach,

‘n speelse taal, ‘n toortaal,

   ‘n bakgat taal, ‘n hele orkes”!

  • POORT (aangebied deur die SA Stigting vir Wetenskap en Kuns) en ander SKRYFKOMPETISIES:
  • Uitslae van POORT 2018:Lisel Horn (graad 12)  –  Prosawerk onder top 10, Ariana Eybers (graad 10) – Twee gedigte opgeneem vir publikasie, Abigaill Tollig (graad 10) – Prosa-skryfstuk opgeneem vir publikasie, Emma J van Vuuren  (graad 12) – Prosa-skryfstuk opgeneem vir publikasie, Lisel Horn (graad 12) –  Prosa-skryfwerk opgeneem vir publikasie, Madeleen Pienaar (graad 12) – Prosa-skryfwerk, opgeneem vir publikasie, Marie Viljoen (graad 12) – Prosa-skryfwerk opgeneem vir publikasie, Renee van Niekerk (graad 12) – Prosa-skryfwerk opgeneem vir publikasie, Robin Zeelie (graad 12)  –  Prosa-skryfwerk opgeneem vir publikasie.

ANDER SKRYFKOMPETISIES: Affie-leerders gryp alle geleenthede aan om aan geadverteerde AD HOC-SKRYFKOMPETISIES deel te neem, soos die:

ATKV-TAALGENOOT SKRYFKOMPETISIE,

ATKV-/JIP-SKRYFKOMPETISIE en

BEELD/FAK: Emily Hobhouse-skryfkompetisie

Die Afrikaanse Hoër Meisieskool onderskryf die Latynse spreuk:

scribere disces scribendo – “deur te skryf, leer ‘n mens om te skryf”