Daar’s vissies in die water

Die swemmers van die Afrikaanse Hoër Meisieskool Pretoria het tydens vanjaar se swemseisoen weer heerlik in die water baljaar, maar ook met groot toewyding geswem terwyl hulle aan verskeie swemskoleligas in die Pretoria-omgewing deelgeneem het. Dit was vir die dogters heerlik om te kon meeding teen ander skole, én om te kon sien hoe hulle teen ander goeie swemskole vergelyk. Affies het vier swemspanne, waarvan die A-, B- en D-spanne hul ligas gewen het, met die C-span wat tweede gekom het. Julle maak ons baie trots!