REDENAARS & DEBAT


REDENAARS- EN DEBATKOMPETISIES

By die Afrikaanse Hoër Meisieskool LEEF, EET en DROOM ons Affie-leerders redenaars en debat – Afrikaans lê juis so “volrond in ons monde” (met apologie aan Laurika Rauch).


REDENAARS

Die maksimum toegelate getal Affie-leerders neem aan vele redenaarskompetisies deel!


ATKV-REDENAARS: Nasionale Kompetisie

  • Dié kompetisie is sinoniem met die Afrikaanse Hoër Meisieskool se redenaars waar die klem op genotvolle, maar veral ook op kwaliteit-deelname geplaas word.
  • Affie-redenaars se junior en senior sprekers neem ewe volmondig aan die voorbereide sowel as onvoorbereide kategorieë deel.
  • Geleentheid word aan beide Huistaal- as Addisionele Taalsprekers (onder andere Sotho, Sepedi, Zulu) gegee, om te 'redeneer'.

VAN HUYSSTEENS ORATORSFEES: Gauteng-Noord

  • Dié Oratorsfees is by uitstek daarop gemik om redenaars in onvoorbereide redenaartegnieke te skoei.
  • 10 spanne (4 redenaars elk) en 10 indiwiduele sprekers neem jaarliks aan die gewilde plaaslike kompetisie deel.

DEBAT

As ‘n leerder van die Afrikaanse Hoër Meisieskool van iets oortuig is, sal sy sommer “blou keppies” aan enige-iemand verkoop! Debat is ‘n belangrike kultuuraktiwiteit!


IN 2018 BEHAAL AFFIES ONGEKENDE SUKSES OP DIE REDENAARS EN DEBAT FRONT!

Die Affie meisies het met hul talente as sprekers gewoeker, en die volgende uitslae is behaal:

Affies is by die Radikale Redenaarsfees as Nasionale wenners in die Kategorie: Engelse Spanafdeling aangewys. Hulle is: Carmen van der Walt, Zeané Nel, Anna-Mart van der Post en Nicole van der Walt.


gr 9-Affies is by die Radikale Redenaarsfees as Nasionale wenners in die Kategorie: Eksperimentele-spanafdeling aangewys. Hulle is René Geyser, Suné Strydom en Mia Peenze.


gr-10 Affies is by die Radikale Redenaarsfees as Nasionale wenners in die Kategorie: Eksperimentele spanafdeling aangewys hulle is Kara le Roux, Janie van der Westhuizen, Elke Pronk en Nicolette Botha.


Die gr 9- Affie Amory Smith, is by die die Radikale Rededenaarsfees as Nasionale wenner in die Kategorie: Tweetalige Afdeling aangewys. En steeds is dit nie die einde van Affies se sprekers se goeie nuus nie…


Affies het in die finaal van die Oppie Tong Af: Openbare Optrede kompetisie deelgeneem. Hulle is almal Individuele kategoriewenners. Hulle is Miné Hermann (gr 8) Afrikaans: Onvoorbereide toespraak, Marisha Hermann (gr 10) Afrikaans: Motiveringstoespraak, Megan Kruger (gr 8) English: Unprepared speech en Lindy Grobbelaar (gr 9) English: Prepared Speech.


Vier Affies skitter in die finaal van die Op die Tong Af Openbare Optrede kompetisie. Die gr 9 - kategoriewenners van English Unprepared Team is voor: Lindy Grobbelaar, middel: Carla Ferreira en Amory Smith agter Nicole Sutton.