Stroom-op (skoolkoerant)

Die skoolkoerant, Stroom-op, gee Affies die geleentheid om hul skryfvermoë asook hul deelname in die skoolgemeenskap te bevorder. Enige leerder met ʼn liefde vir skryf en/of fotografie kan by die redaksie aansluit. Die skoolkoerant word saam met AHS uitgegee en verskyn kwartaalliks. 

Affies se skoolkoerant onder die leiding van mev Natalie Goetch, woeker met ‘n redaksiespan van ongeveer 20 lede. Die redaktrise en die joernaliste sorg dat nuus altyd kraakvars bly. Hierdie toegewyde span is hard aan die werk om opwindende nuwe stories op te spoor en om artikels uit die hart van Affies te skryf.

Kontakpersoon: Mev Amorentia Johnson amorentia.johnson@ahmp.co.za

Skoolgeskiedenis deur die oë van die leerders

Ou weergawes van die Stroom-op, reeds vir dekades die skool se skoolkoerant, bied ʼn betowerende kykie op skoolgebeure soos leerders dit deur die dekades gesien en verwoord het. Dié uitgawes is steeds in die skool se argiewe beskikbaar, en daar word beplan om dit binnekort te skandeer en te digitaliseer sodat dit vir die oud-Affies, die huidige Affies en hul nageslag bewaar kan word. Hou hierdie spasie dop! Hier onder is solank ‘n voorsmakie van ‘n uitgawe van Stroom-op wat in 1979 verskyn het.