Gemeenskapsdiens
Affies reik nog al die jare uit na die gemeenskap – dis as ‘t ware deel van die skool se DNA.
Tydens Gee-week, ʼn jaarlikse instelling, word daar elke dag met ʼn ander tema vir die een of ander instansie gegee – of dit nou blikkieskos vir voedingsprojekte, hondekos en -produkte vir diereskuilings, boeke vir ʼn minderbevoorregte skool of kontant vir die een of ander waardige saak is. Die dogters besluit elke jaar self watter instansies hulle tydens Gee-week wil ondersteun.
Affies hou ook jaarliks ‘n Kansa-dag waar die hare soms letterlik waai of van kleur verander ten bate van kankernavorsing. Talle meisies met lang hare skenk hul poniesterte, waarmee pruike gemaak word vir mense wat kankerbehandeling ondergaan.
Een van ons grootste omgee projekte sedert 2015 is die bottelproppie-projek. 450 kg plastiekproppies of 50 kg broodknippies kan een rolstoel ‘koop’. Die skool het met dié insamelings reeds 17 rolstoele aan Alma Skool geskenk.
Verder reik ons met oop harte uit na naburige ouetehuise, kleuterskole en besoek ook die kinderpasiënte van die Sefako Makgatho-hospitaal.
Kontakpersoon: Mev Marthie Davel marthie.davel@ahmp.co.za
DIE ANKER (VERENIGDE CHRISTELIKE STUDENTEVERENIGING)
Hier by AHMP is ‘n aktiewe VCSV-groep, Die Anker. Die groep se aktiwiteite word gereël en bestuur deur ‘n gekose CSV-bestuur met ‘n onderwyser as raadgewende hoof. Die VCSV is aktief deur die hele jaar, en dié aktiwiteite sluit die volgende in:
- ‘n Groepsaktiwiteit elke Dinsdag gedurende pouse – besprekings, video’s, bidsessies en net lekker kuiers
- Aandfunksie een keer per kwartaal saam met AHS en soms ook met Pretoria Boys’ High en Pretoria Girls’ High.
- Uitreike na laerskole waar ons met naskoolaktiwiteite help en ook na Abbahuis – ‘n huis van bewaring vir klein kindertjies.
- Kampe – naweekkampe word gereël en ander VCSV-kampe soos Winklespruit word bemark.
Kontakpersoon: Me. Hannah Witthoft hannah.witthoft@ahmp.co.za
Kultuurnuus
Senior Koor na ATKV-Applous 2025-finaal
15 redenaars dring deur na landsfinaal!
