AHMP het 17 spanne, waarvan 12 aan die Northerns Grootskoleliga deelneem. Al die spanne behaal uitstekende uitslae, en ons neem deel aan die Northerns G1-Liga, terwyl die laer spanne ook in die G4-Liga ingeskryf word.
Die Eerstespan neem jaarliks deel aan die All Girls’ Festival, waar ons kompeteer teen die top staatsmeisieskole in Suid-Afrika. Die Eerstespan was algehele wenners in 2024.
Die A- en B-spanne neem gedurende Maart/April deel aan toernooie en festivals ter voorbereiding vir die liga.
Buiten die jaarlikse derbies teen Oranje Meisieskool en Paarl Gimnasium, neem ons spanne ook deel aan die volgende toernooie:
• Eerste span: Greg Bieling Festival, St Mary’s Festival, All Girls’ Festival, Pullen and Howell Cup
• Tweede span: Eldo Fees
• O/16: Bloemhof, St Mary’s Kloof Festival, Pullen and Howell Cup
• O/15: Menlofees, St Andrew’s Festival, Friendship Cup
• O/14: St John’s Festival, Roedean, Friendship Cup
• C- en D-spanne neem deel aan plaaslike festivals
Die A-spanne kwalifiseer ook jaarliks vir onder andere die Top Schools Top 12, Challengers’ Cup, Rising Cup en Noordvaal.
Die O/15A-span verower die silwermedaljes by die Noordvaal-toernooi in 2024.
Affies wat al SA Skole-kleure verwerf het: Cara Bouwer, Anlu Harmse, Nicola Meyer, Megan Vosloo, Pretty Morema, Shelmy Hall, Simone van der Colff, Sulize de Klerk, Carli Gericke, Venita van der Merwe, Annemie Botha, Nita van Jaarsveld, Aryna Edwards (Jnr), Karlien Steenberg, Nita Verhoef en Riëtte Laas.
SA senior spelers (personeel ingesluit) uit Affie-geledere: Nicolene Terblanche, Nita van Jaarsveld, Aryna Edwards (Snr), Ilse Alberts en Rina van Zijl.
Fiksheid en kondisionering word gedurende die afseisoen gedoen. Die interne somerliga en pretdag is maar enkele van die aspekte wat Affie-hokkie uniek maak. Voornemende Affies word betrek by ons AHMPer Affies-geleenthede. Maak seker dat jou naam op die lys is!
Affie Juniors bied afrigtingsgeleenthede sowel as hokkiefeeste vir laerskooldogters van graad 4 tot 7.
HOKKIE-AKADEMIE
