Skip to content

Sagtebal

Daar is ‘n slagspreuk wat lui dat talent tot niks sal kom sonder toewyding nie. Dit is waarom Afrikaanse Hoër Meisieskool daarna streef om vir dogters die beste afrigting in sagtebal te bied. Affie-afrigters word geken deur toewyding en entoesiasme vir die sport. Die meeste van die Affie-afrigters is self ook spelers wat waarborg dat hulle toegewyd is om ons Affie-dogters te inspireer en hul talent te ontsluit.

Sagtebal word gedurende die derde kwartaal gespeel, dit wil sê Julie tot September. AHMP is trots om te kan sê dat daar jaarliks twee spanne per ouderdom ingeskryf word om aan die grootskoleliga deel te neem.

Affies neem jaarliks deel aan die Gauteng-Noord provinsiale proewe waar dogters gekies kan word vir provinsiale spanne en om provinsiale kleure vir sagtebal te kan verwerf. By die provinsiale toernooie kan die dogters verder vereer word deur gekies te word as lede van die nasionale span, soos Sume Bester en Lize van Dyk in 2020.

Verder word dogters ook die geleentheid gebied om deel te word van ‘n heel ander tipe sagtebalspan. Jaarliks word daar verskeie kursusse aangebied wat tellinghou, afrigting en skeidsregting insluit. ‘n Nuwe Affie-tradisie is om leerders na hierdie kursusse te stuur waar hulle die skool kan dien en eer op die sportveld met ‘n nuwe perspektief.

 

DIE GESKIEDENIS VAN SAGTEBAL

Sagtebal is ‘n variant van Amerikaanse bofbal, of te wel baseball. Die sport het in die laat 1800’s in Chicago ontstaan en is gebaseer op bofbal. Die spel se reëls, die afmetings van die velde en die toerusting het gewissel op grond van die geslag van die spelers, hul ouderdom en die bepekte beskikbaarheid van toerusting.

Vandag is dit egter ‘n heel ander storie. In 1923 het die speelspeel-sport soveel belangstelling begin uitlok by beide mans en vroue van alle ouderdomme, dat ‘n komitee saamgestel is om vaste reëls en regulasies op te stel en te sirkuleer aan die uithoeke van die Verenigde State. Van daar het sagtebal die wêreld begroet. Dit was net die begin van die fantastiese sport wat ons vandag ken as sagtebal.

Gryp jou handskoen en helm! Kom word deel van die opwinding en vind jou plekkie in die Affie-son.

Kontakpersoon: Lynette van Eyk lynette.vaneyk@ahmp.co.za 

Sportnuus

0/15 Sagtebal Gauteng wenners

0/15 Sagtebal Gauteng wenners

O/15 Sagtebalspan is Gauteng wenners. 0/15 Sagtebalspan is Gauteng wenners Ons is baie trots op ons 0/15 Sagtebalspan, hulle is…
Twee Affies Suid Afrika se beste Landloop atlete!

Twee Affies Suid Afrika se beste Landloop atlete!

Twee Affies Dante Ferreira (0/17) en Lize de Jager (0/16) wen die SA Landloop kampioenskappe in hul onderskeie ouderdomsgroepe.

Kontak Ons

Kontak ons gerus met enige vrae of as u meer inligting benodig.