Akademie
Mnr FJ le Roux, die heel eerste hoof van die Afrikaanse Hoër Meisieskool Pretoria, het in sy jaarverslag van 1922 die volgende geskryf:
ʼn Skool se waarde moet … geskat word … na die gehalte van opvoedende werk wat daar verrig word. Die toon van ʼn skool, sy kulturele lewe en opbloei, sy innerlike geestelike waarde en die bevoegdheid tot die opbou van karakter kan nie deur enige eksamen gemeet word nie.
Agter Affies se uitmuntende en volgehoue prestasie lê daar geen suksesgeheim nie. Die dogters se prestasies is hul beloning op ‘n hoë werksetiek, doeltreffende en kundige bestuur, bekwame onderwysers en gedissiplineerde leerders. Die goue draad wat al vir dekades deur Affies se doen en late loop, is die strewe om meisies intellektueel te vorm, kultureel te verryk, geestelik te verfyn en hul vroulikheid te raffineer.
TOEKOMSGERIGTE AKADEMIE
Met ses laboratoriums vir onderskeidelik fisiese en lewenswetenskappe, drie moderne rekenaarlokale, twee sentrums vir verbruikerstudies en vele meer, is AHMP ‘n skool waar meisies effektief vir die toekoms voorberei word.
- 18 vakke word van graad 10 tot 12 aangebied
- Die skool maak gebruik van ʼn e-leerplatform vir alle grade
- Moderne toerusting word vir onderrig gebruik
- Die hele skoolterrein is ʼn wifi-sone.
Akademiese prestasies deur die jare
In 1922 het twee AHMP-kandidate matriekeksamen (Trap II) geskryf en albei het geslaag. Deur die dekades het die Afrikaanse Hoër Meisieskool en akademiese prestasies sinoniem geword. AHMP handhaaf nou reeds 37 jaar ‘n 100%-matriekslaagsyfer! Die kwaliteit van ons akademiese reslutate blyk duidelik uit die volgende analise van maar die afgelope vyf jaar se matriekuitslae:
2024-MATRIEKUITSLAE
Afrikaanse Hoër Meisieskool Pretoria het in haar 105e bestaansjaar haar uitnemendheid bevestig met die 2024-matriekuitslae. Met 239 matrikulante het die skool ‘n 99,6% slaagsyfer, ‘n gemiddeld van 75,25%, en ‘n 99,2% graadvrystelling behaal. Die groep het 707 onderskeidings ingesamel, insluitend 7 A-simbole in Alpha Wiskunde, met 80 leerders wat gemiddeldes van 80% of meer behaal het.
40 leerders het ses of meer onderskeidings, waaronder Yda Roets en Jana van der Merwe met 8 onderskeidings elk.
Die Top 10 leerders sluit in:
- Emeré Pretorius 91.86%
- Lara Engelbrecht 91.43%
- Yda Roets 91.14%
- Lucarli Uys 90.00%
- Elge Coetzee 89.71%
- Stesha Behr 89.14%
- Dehanne van Staden 88.86%
- Lara Goosen 88.71%
- Cari Venter 88.57%
- Ina Ras 88.29%
Die skool bedank die personeel en ouers vir hul ondersteuning en harde werk, en wens die matriekklas van 2024 geluk met hul uitsonderlike prestasie!
Nuus oor Akademie
Affie-slimkoppe ryg die onderskeidings in
I love it when you talk foreign
