Tafeltennis

Tafeltennis is een van die gewildste raketsportsoorte ter wêreld, veral omdat dit deur mense van alle ouderdomme gespeel kan word. Selfs individue met fisiese gestremdhede kan deelneem en op ‘n kompeterende vlak meeding – ’n voorbeeld hiervan is Ibrahim Hamato, ’n tafeltennisspeler wat sonder arms speel deur die raket in sy mond vas te hou. 

Daar moet iets besonders wees aan hierdie sport om so ‘n groot impak te hê! Alhoewel dit in ‘n relatief klein ruimte gespeel kan word, vereis dit ‘n hoë vlak van fokus, beweging en vinnige reaksie.

Die teikengroep vir tafeltennis by Afrikaanse Hoër Meisieskool is die dogter wat nie noodwendig aan ander kompeterende sportsoorte deelneem nie. Tafeltennis bied ‘n platform vir die ontwikkeling van  dogters se vaardighede in sportdeelname, sowel as in enkel- en dubbelspelwedstryde. Dit bevorder motoriese ontwikkeling, balans, vinnige voetwerk en verbeter die fokus- en konsentrasievermoë van die deelnemers.

In Suid-Afrika (SATTB) val die skoleliga onder die provinsiale sportliggaam, die Gauteng-North Table Tennis Board (GNTTB), wat die sport in die streek organiseer.

Die tafeltennisseisoen by Affies begin in middel Februarie, met ligawedstryde wat hoofsaaklik in die tweede kwartaal plaasvind. In die derde kwartaal neem tafeltennis ‘n meer sosiale aard aan, met vriendskaplike wedstryde. 

Kontakpersoon: mev. N. van Zijl
E-pos: niva.vanzijl@ahmp.co.za

Kontakpersoon: mev N. van Zijl niva.vanzijl@ahmp.co.za