Welkom by Affie-atletiek!


Afrikaanse Hoër Meisieskool is nie net ‘n top-atletiekskool nie, maar het ook ‘n groot liefde vir atletiek. Dit is duidelik sigbaar as daar na die hoeveelheid atletiekspanne (A- B- C- en D-span) en sukses van ons atlete gekyk word.

Ons hoë standaarde word toegeskryf aan kwaliteit afrigting, toewyding van ons atlete en ‘n algehele sterk spangees. Ons streef daarna om elke atleet tot haar volle potensiaal te laat ontwikkel. Dit is die dinge wat ‘n werklikheid is by Affie-atletiek en waartoe ons, ons met trots beywer.



2 FEBRUARIE – Affies Vrienskaplike byeenkoms Affies wen met 374 punte 239 punte voor die skool se naaste teenstander. Die deelnemende skole was Waterkloof , Kemptonpark en Nelspruit.

Puma School of SPEED-MEDLEY (100m/200m/300/400m)

Die skool se 0/19 medley aflosspan bestaan uit Charlize Eilard (0/16) op die 100m, Marzaan Loots (0/17) op die 200m Nicola Gibbon (0/19) op die 300m en Zeney van der Walt (0/19) op die 400m wen die aflos in ‘n skitterende tyd van 2.11.46.

Om dit vir julle in perspektief te stel, die internationale tyd vir dogters 0/20 medley aflosse wissel tussen 2.08.09 en 2.11.02.

SA Senior Kampioenskappe

Jeanè Minnaar, Janie Janse van Rensburg, Nicola Gibbon en Zeney van der Walt het deelgeneem aan die Senior atletiekkampioenskappe by Tuks.

Jeane het tussen al die senior vroue ‘n hoogte van 1.60 oorgekom terwyl Janie met ‘n mooi tyd van 2.13s in die uitdunne ongelukkig nie na die finaal gevorder het nie.

Nicola en Zeney het albei tot in die finaal gevorder met die 400m hekkies vir senior vroue. Nicola eindig 5de met haar PB van 61.73s terwyl Zeney net net in die tweede plek geëindig het met ‘n tyd van 55.05s. Wenda Nel, die olimpiese finalis, het die wedloop gewen met 55.01.

  • Zeney breek dan ook die 35 jaar oue SA rekord van Myrtle Bothma vir Junior vroue asook die Afrika rekord. Baie geluk, Zeney!!

SA Skole- en ASA Jeug en Junior Nasionale Kampioenskappe – 16 dogters kwalifiseer in 2018.

Bea-Marie Werner (90m hekkies en 300m hekkies), Bea van Wyk (Diskus), Charlize Eilerd (100m hekkies en 100m), Charmarie Kotze (400m hekkies), Jeane Minnaar (hoogspring), Joanè Gerber (verspring), Nicola Gibbon (400m hekkies en 400m), Zanè Schoeman (spiesgooi), Zeney van Der Walt (40m hekkies en 200m), Britnny Ritchie (gewigstoot), Ilandrè Pont (Diskus), Jana Ferreira (verspring), Marzaan Loots (400m hekkies en 200m), Johnè Aucamp (1500m), Angelique Strydom (400m) en Janie Janse van Rensburg (800m en 1500m).

IAAF 0.18 WêRELD JEUGKAMPIOENSKAP

Affie Zeney van der Walt het gedurende die Julie vakansie by die IAAF o.18 Wêreld Atletiekkampioenskap in Nairobi, Kenia gewys waarom sy as een van die belowendste jong atlete in Suid-Afrika beskou word.

Zeney is as wêreldkampioen gekroon toe sy die goue medalje in die 400m hekkies vir meisies in ’n puik tyd van 58.23 sekondes gewen het. Sy het atletiekkenners beïndruk met haar vasbyt-vertoning teen haar vernaamste teenstander, Sanique Walker, van Jamaika.

Die Jamaikaanse atleet het in die pylvak nog voorgeloop, maar toe sy haar ritme effens verloor en die laaste hekkie raaktrap, het Van der Walt haar kans benut met ’n skitterende eindpoging. Die graad 11 leerling van Afrikaanse Hoër Meisieskool het verby Walker geskiet om 0.04 sekondes voor haar oor die wenstreep te hardloop.

“Ek het nie verwag om te wen nie, maar in die pylvak het ek gevoel ek het nog baie energie en ek het druk op haar probeer uitoefen. Toe sy oor die laaste hekkie sukkel het ek my kans gebruik,” het Van der Walt agterna gesê.

Hierdie prestasie van dié jong ster bring haar nog ’n stap nader aan haar droom om Suid-Afrika by die Olimpiese Spele van 2020 in Tokio, Japan, te verteenwoordig.

Rekord-Oos (Koos Venter)

Zeney met die Suid Afrikaanse vlag na haar oorwinning!

0/16

Carla Ferreira 400m 61.14s 4de plek
Joane Gerber Verspring 5.18m 4de plek
Bea-Marie Werner 300m Hekkies 45.88s 1ste plek
90m Hekkies 14.09s 3de plek
Angelique Strydom 400m 58.47s 1ste plek
Britnny Ritchie Gewigstoot 12.34m 2de plek
Claire Ritchie Gewigstoot 10.60m 6de plek
Simonne Kruger Gewigstoot 10.34m 7de plek
Diskus 32.58m 4de plek
Caelin Coetzee Hoogspring 1.60m 1ste plek
Karla Burger Hoogspring 1.45m 3de plek
Johnè Aucamp 800m 2.13.27min 3de plek

0/18

Janie Janse van Rensburg 800m 2.17min 4de plek
Sabelle Jacobs 400m 62.16s 6de plek
Zeney van der Walt 400m 55.34s 1ste plek
400m Hekkies 60.03s 1ste plek
Jana Ferreira Verspring 4.84m 6de plek
Jeanne de Beer 3000m 10.56min 5de plek
Nicola Gibbon 400m 57.02s 4de plek
400m Hekkies 64.41s 4de plek
Mianco Kotze 800m 2.19min 5de plek

0/20

Christine Pronk 1500m 5.16min 6de plek

Caelin Coetzee behaal ‘n 5de plek in hoogspring tydens die SA skole kampioenskappe in Durban.

Tydens die ASA Nasionale kampioenskappe te Groenpunt stadion in die Kaap behaal Nicola Gibbon ‘n 5de plek in die 400m vir vroue 0/18 en Janie Janse van Rensburg ‘n 6de plek in die 800m, ook vir vroue 0/18.

Een van die hoogtepunte van die kampioenskappe was Zeney van der Walt wat deelgeneem het aan die 400m en 400m hekkies vir vroue 0/18. Sy wen albei die items in persoonlike bestes en kwalifiseer ook vir die Afrika Jeug kampioenskappe asook die IAAF Wèreld Jeug kampioenskappe. Sy was ook lid van die 4x400m span wat ook as wenners gekroon is met ‘n nuwe SA rekord. (Die betrokke rekord het vir 17 jaar gestaan).

Enige atleet of span se sukses kom nie vanself nie en daarom beywer ons ons by Affie-atletiek om kwaliteit afrigting te bied aan ons atlete. Ons het hoogs gemotiveerde en toegewyde afrigters by Affie-atletiek.

Worpe (gewigstoot en diskus) Lezaan Jordaan, Assistent: Wanzèl Breytenbach
Spiesgooi Leon Reeder
Verspring/driesprong Francois Fouchè
Hoogspring Charmaine Gale/Weavers, Assistent: Talita Vorster
Naellope en Hekkies Maritza Coetzee
Middelafstande Dion Saayman, Assistent: Wikus van Schalkwyk en Maryna le Roux

Oefentye

Kontak me. Maritza Coetzee by atletiek@ahmp.co.za

Byeenkomste

Affie-atletiek bestaan uit twee seisoene, naamlik voor- en hoofseisoen. Ons neem deel aan twee tot drie massabyeenkomste voor spanne gekies word. Die hoeveelheid van atlete in spanne berus op die aanbiedende skool se vereistes.

Voorseisoen ( Augustus – Oktober)

Die voorseisoen skop af met ons jaarlikse Affieletics, ‘n massa-atletiekdag met groot opwinding en pret. Die byeenkoms dien ook as uitdunne vir volgende jaar se interhuis.

Atlete wat nog nie Affies-leerders is nie, hoef nie bekommerd te wees nie, daar sal weer geleentheid wees vir julle om deel te neem.

Affie-atletiek neem in September deel aan die eerste massabyeenkoms te Eldoraigne, wat ook as voorbereiding dien vir Top 12 te Pilditch.

Van daar af reis daar drie verskillende spanne na onderskeidelik Bloemfontein (Clover-atletiek byeenkoms), Pietersburg (Marius Lenghton byeenkoms) en Naboomspruit (Top 10).

Ons sluit die voorseisoen af met die Top 30 in Potchefstroom. Hier skryf Affie-atletiek 2 spanne in.

Oefening gaan wel nog aan tot einde November, waar daar dan aan elke dogter ‘n oefenprogram gegee sal word vir die vakansie. Die program moet dan streng nagevolg word sodat ons ‘n suksesvolle hoofseisoen kan beleef.

Borge

Affie-atletiek se hoofborg vir die afgelope drie jaar is, FUTURE LIFE. Atlete word maandeliks van pap, proteïenstafies, waterbottels en “shakers” voorsien.