Gholf

Affies-gholf bied aan leerders ‘n groot verskeidenheid kompetisies op die bekendste spogbane in Pretoria aan. Die skool neem jaarliks in die derde kwartaal aan die Gauteng-Noord-Skoledogtersliga deel. Die belangstelling in gholf het die afgelope drie jaar drasties toegeneem. Ons wil graag aan elke leerder die geleentheid gun om haar volle potensiaal te bereik, daarom word daar vir verskillende ligas ingeskryf.

Gholf is ‘n veelsydige aktiwiteit by AHMP en bied dus geleenthede vir ervare en selfs onervare spelers.

ADDISIONELE TOERNOOIE:

Ons neem ook aan verskeie aktiwiteite deel. Gauteng-Noord-Hoërskole bied proewe en kwalifikasie vir SA-hoërskole aan en die Gauteng-Noord IPT-span word deur die Suid-Afrikaanse Hoërskole-vereniging aangebied. Ander toernooie sluit die Gauteng-Noord-Hoërskole-spantoernooi en Uitdaagtoernooi in.

TOERE:

Prestige-skoletoernooi – Clarens (11-13 Oktober)

Vanaf 2024 neem ons aan hierdie spoggeleentheid deel, wat vanaf “betterball” tot “IPS” strek.

OEFENTYE

Die meeste spelers het hulle eie afrigters en oefen op verskillende tye. Vanaf 2025 word ons ontwikkelingsprogram amptelik bekend gemaak, waaroor me. Lize-Marie Schwartz (gholforganiseerder) meer inligting kan gee.