Affies neem nie net aan die plaaslike ligas en kampioenskappe deel nie, maar ook aan verskeie toernooie: ons eie Affie-prestige netbaltoernooi, die Paarl Gim- en Oranje-Derbies, die Pietersburg netbal-toernooi en die Diamantveld-sportnaweek. Die eerste span en die o/16A-span neem ook aan die Wildeklawer-toernooi deel.

Sedert 2010 was AHMP se eerste span nege keer die SA-kampioene; die o/14A-span vier keer; die o/15A-span ook vier keer en die o/17A-span twee keer.

Vanjaar word Affies se 1ste span, weer gekroon as Suid Afrika se beste netbalspan.

Affie-netbalspelers verwerf ook jaarliks provinsiale en nasionale kleure. Tussen 2000 en 2019 het agt dogters Protea-spanne gehaal: Xania van der Walt in 2020, Nicci Oosthuizen in 2021 en Izelle Gräbe in 2022.

Nog ‘n bewys van die gehalte afrigting by AHMP is die groot aantal oudleerlinge wat al Protea-spelers gekies is:

• Eldené Bishoff: o/21-Protea-netbalspan 2007 – 2009
  Vanes-Mari du Toit: o/21-Protea-netbalspan 2009 – 2011 en Protea Netbalspan 2011 – 2019
  Izette Griesel: Protea-netbalspan sedert 2015
  Marlize de Bruin: Fast 5-Protea-netbalspan 2016
  Chante Louw: President 12-netbalspan 2018
  Danielle van Zyl: o/21-Protea-netbalspan 2019 – 2020
  Nicci Ooshuizen: o/21-Protea-netbalspan 2021
  Zané Bodenstein: o/19-Protea-netbalspan 2022
• Jaime Matfield is in die top-15 Baba Protea-span opgeneem wat in 2025 in Gibraltar gaan deelneem. Amia Roux is in die top-20-groep van die Baba Proteas opgeneem.

Affie Nicci Oosthuizen pronk met ’n besonderse stukkie geskiedenis. Dié 2021-matriekleerling van Affies is die eerste skolier wat in die Suid Afrikaanse o/21-netbalspan se oefengroep ingesluit is.

Netbaldirekteur en hoofafrigter: me. Nicole Schuld  netbal@ahmp.co.za