Graad 8 Aansoeke vir 2027
Die Gauteng Departement van Onderwys (GDO) se aanlyn inskrywings vir Graad 1- en Graad 8-leerlinge vir die 2027-skooljaar open amptelik op 5 Augustus om 08:00 en sluit op 4 September om 24:00 (middernag).
Aansoekportaal: GDE Online Admissions
Belangrike wenke vir aansoeke:
Hou dokumente gereed: Maak seker u het ‘n goeie kopie van u dogter se geboortesertifikaat, ID-dokumente van die ouers, asook korrekte bewys van woon- en werksadres beskikbaar wat op die GDO-portaal gelaai moet word.
Verdere inligting sal binnekort beskikbaar gestel word. Hou hierdie spasie dop.
Koshuisaansoeke
Die koshuisaansoek wat u hier voltooi en indien, is die amptelike koshuisaansoek. Gepaardgaande skoolaansoeke word slegs op die GDO-portaal ingedien.
Skool- en koshuisaansoeke (ander grade)
Voltooi die onderstaande skakel om aansoek te doen vir skool- en/of koshuisplasing. Vir enige navrae kontak ons gerus by toelatingsnavrae@ahmp.co.za
Opedag
Opedag 2026
Ons Opedag het reeds plaasgevind op Woensdag die 15 April 2026.
Let asseblief daarop dat die Opedag die enigste geleentheid is om die skool te kom besigtig, aangesien individuele toere nie aangebied word nie.
Ons sien daarna uit om u en u dogter te verwelkom in 2027 en om met trots ten toon te stel wat Die Afrikaanse Hoër Meisieskool Pretoria alles bied!
Kom stap saam!
Dalk woon jy ver en is dit nie vir jou moontlik om die ope dag by ons skool by te woon nie. Moenie bekommerd wees nie – kom stap saam met ons deur die skool op ʼn virtuele toer wat jou sal laat voel asof jy in lewende lywe hier in ons rooibaksteengeboue kuier.
