Mens stry nie met 'n Affie nie

Afrikaanse Hoër Meisieskool se redenaarspan het in Maart aan die Van Huyssteens Oratorsfees deelgeneem. Die meisies het hulle pad na bo oopgepraat en is aangewys as algehele wenners van dié gesogte kompetisie. Boonop het Affies 12 van die 30 kategorieë by Van Huyssteens gewen; ses meisies is as individuele wenners van kategorieë aangewys, en ses spanne het met die louere in hul afdelings weggestap. Sorg maar liefs dat jy nooit in ‘n woordewisseling met een van dié jong dames betrokke raak nie.